राम कुशवाहा
वीरगंज १४ साउन ।
पर्सा प्रहरीले ९० किलो लागु औषध गाजा सहित चार जनालाइ पक्राउ गरेको छ । प्रहरीले विषेश सुचनाको आधारमा वीरगंज महानगरपालिका वडा नं २८ ड्राईपोर्ट वहुअरी चौक स्थित नेपाल बाट भारत तर्फ जादै गरेको वी.आर.२८ जी. २७७० नम्बरको बलेरो गाडी चेकजाच गर्दा गाडीको तल फल्स बटम बनाई लुकाई छिपाई राखी राखेको लागु औषध गाजा ९० किलो फेला परेपछि गाडी सहित चार जनालाई पक्राउ गरिएको जिल्ला प्रहरी कार्यालय पर्साका प्रवक्ता अनन्त राम शर्माले जानकारी दिनु भयो ।

पक्राउ पर्नेमा भारत मोतीहारी जिल्ला बिशुनपुर वडा नं ३ बस्ने नुर महमद हुसेन,भारत बिहार मोतिहारी जिल्ला सितलपटि बस्ने सुनिल साह, भारत बिहार मोतिहारी जिल्ला फुलवरिया वडा नं ११ बस्ने असलम आलम आईन, सोही ठाउ बस्ने ईर्साद साईन, रहेको प्रहरीले जनाएको छ । लागु औषध गाजा सहित पक्राउ परेका चारै जनालाई आवश्यक कार्यवाहीका लागी जिल्ला प्रहरी कार्यालय पर्सामा राखिएको जिल्ला प्रहरी कार्यलय पर्साका प्रवक्ता अनन्त राम शर्माले जानकारी दिनु भयो ।