राम कुशवाहा
वीरगंज १६ साउन ।
अपहरणमा परेको भनिएको पर्साको विन्दवासीनी गाउँपालिका वडा नम्बर ४ मधवलका २३ वर्षीय उपनेस चौरसीया आफनै अपहरणको झुठो हल्ला फैलाएको आरोपमा पक्राउ परेका छन । पर्सा प्रहरीले अपहरणको हल्ला फैलाउने चौरसियाका साथी सनुप दास तात्वालाई समेत नियन्त्रणमा लिएको छ । विन्दवासीनी गाउँपालिका वडा नम्बर ४ मधवलका २३ वर्षीय उपनेस चौरसीयाले भारतको रक्सौल स्थित श्याम ईन्टरनेशनल नामको होटलमा साथीहरु संग बसी आफु अपहरणमा परेको योजना बनाएको प्रहरी समक्ष बयान दिएका छन । पर्सा प्रहरीले भने अपहरण नभएर पैसाको लेनदेनको कारण अपहरणको झुठो हल्ला फैलाएको जनाएको छ । प्रहरीले आफनै अपहरणको झुठो हल्ला फैलाउने उपनेस चौरसीया र सनुप दास तत्वालाई जिल्ला प्रहरी कार्यालय पर्साको हिरासतमा राखी अनुशन्धान भईरहेको पर्सा प्रहरीका प्रवक्ता अनन्त राम शर्माले बताउनु भयो ।