वीरगन्ज । वीरगन्जमा आजदेखि ‘गेटवे स्पा’ सन्चालनमा आएको छ । घण्टारदेखि लिंकरोडतर्फ जाने बाटोमा एसियन लाइफ इन्स्योरेन्स नजिक दोस्रो तल्लामा ‘स्पा’ सेन्टर सन्चालनमा आएको हो ।
होटल तथा पर्यटन व्यवसायी संघ पर्साका अध्यक्ष हरि पन्तले एक कार्यक्रमबिच ‘गेटवे स्पा’को उद्घाटन गरेका हुन ।
स्पाहरुको भिडमा सुबिधा सम्पन्न आधुनिक स्पा आजदेखि संचालनमा ल्याईएको सन्चालक कुबेर कार्कीले बताए ।
स्पामा सेवा दिने सबैजना काठमाडौंबाट तालिम प्राप्त व्यक्तिहरु रहेको उनले बताए । स्पामा लामो समयसम्म काठमाडौंमा काम गरिसकेका अनुभवी कर्मचारीलाई ल्याइएको अर्को संचालक माधव बस्नेतले बताए ।
काठमाडौंको जस्तै वीरगन्जमा पनि स्पा पार्खीहरुले सेवा लिनेछन् । गेटवे स्पा सेन्टरमा मसाज गराउँदा एक घण्टाको दर ९ सय ९९ रुपैयाँ राखिएको बस्नेतले बताए ।
यो सुविधा एक पटकमा पाँचजनालाई सेवा दिइनेछ । ‘स्पा’ सेन्टरमा ५ वाट क्याबिन रहेको छ । सबै क्याबिन एसीसहित अति सुविधा सम्पन्न रहेको बताइन्छ । करिब १० लाखको लागतमा गेटवे स्पा सन्चालनमा ल्याइएको हो ।