बीरगंज १६ माघ ।
जिल्ला प्रहरी कार्यालय पर्साले गएराति ठूलो परिणाममा अवैध लागु औषध सहित ओसार पोसारमा संलग्न अटो र एक जनालाई पक्राउ गरेको छ । इलाका प्रहरी कार्यालय पोखरीयाबाट खटिएको प्रहरी टोलीले चेकजाँचको क्रममा वीरगंज महानगरपालिका वडा नम्बर १९ बर्वाबाट ना १ ह ४६४४ नम्बर को अटोलाई चेकजाँच गर्दा अटोमा लोड गरेको पिठोको बोरा र कपडाको झोलामा लुकाई छिपाई ल्याई रहेको अवस्थामा औषध फेनारगन, नुर्फिन र डाइजोपाम ६ सय एम्पुल फेला बरामद गरेको छ । बरामद गरिएको लागु औषध सहित अटोका चालक पर्सा पकहामैनपुर गाउँपालिका वडा नम्बर १ धोरे बस्ने २८ बर्षिय जलान्धर दास र अटोमा सवार २० बर्षिय जय प्रकाश मेहतालाई नियन्त्रणमा लिई थप कारवाही अगाडी बढाएको जिल्ला प्रहरी कार्यालय पर्साका प्रहरी उपरीक्षक पाण्डेले बताउनु भयो ।