बीरगंज ३० जेठ ।
बीरगंजको आदर्शनगर स्थित सेसमी ईन्टरनेशल स्कूलमा आज निःशुल्क एक दिने दन्त शिविर सम्पन्न भएको छ । अपना मेडिकल हल, हाईटेक ओरल डेन्टल क्लिनिकको सहयोगमा डा.राजेश कुमार स्वर्णकार सहितको टिमले विद्यालयका पिजी देखि १० कक्षा सम्मका ४ सय ६५ जना विद्यार्थीहरुको दन्त परिक्षण गरिएको थियो । दन्त शिविर विद्यालयकी प्रिन्सिपल आश्मा सिंह यादवको संयोजकत्वमा सम्पन्न भएको थियो । कार्यक्रममा विद्यालयका निर्देशक मनोज यादव, शिक्षकहरु ममता प्रिया जयसवाल, मोनालाल यादव अजय साह, विना कर्ण लगायतको सहभागिता रहेको थियो ।