वीरगंज ९ जेठ ।
पूर्वराजा ज्ञानेन्द्र शाहले आज वीरगंजको विर्तामाई मन्दिरमा पुजा आराधना गर्नु भएको छ । पूर्वराजाको आगमनलाई लिएर आज अपरान्ह विरगंजको सुरक्षा कडा बनाईएको थियो । विर्ता माई मन्दिर परिसरमा पूर्वराजाको वीरगंज महानगरपालिका वडा नम्बर ४ का वडा अध्यक्ष जगत साह कानुको नेतृत्वमा स्थानिय वासिन्दा तथा विभिन्न राजावादी संघ संस्थाहरुले भव्य रुपमा स्वागत गरेका थिए । पुजा आरधना सँग पूर्वराजा ज्ञानेन्द्र शाह सिमराबाट वीरगंज आउने क्रममा सडकका विभिन्न स्थानमा स्थानिय वासिन्दाले स्वस्फूर्तरुपमा स्वागत गरेको समेत नेपाल विद्त परिषदका मध्यमाञ्चल संयोजक नरेश राज गिरीले जानकारी दिनुभयो ।