नेता होईन चौकिदार र सचेतकको रुपमा काम गर्न विद्यार्थी नेता वर्णवालको आग्रह
वीरगंज / ९ साउन
ठाकुरराम बहुमुखी क्याम्पसमा सम्पन्न फोरम निकट विद्यार्थीहरुको भेलाले समाजवादी विद्यार्थी फोरम इकाई कमिटी गठन गरेको छ । क्याम्पसमा सम्पन्न भेलाले हरिन्द्र साहको संयोजक्तत्वमा २१ सदस्यि कमिटी गठन गरेको हो ।
कमिटीको उपाध्यक्षमा शशिकान्त सर्राफ र हिरालाल साह, सचिवमा विकास मेहता, सहसचिवमा रन्जिता कलवार, कोषाध्यक्षमा बन्दना चौधरी, सहकोषाध्यक्षमा सागिर अहमद लगायत रहेका छन् ।
कार्यक्रमका सभापति समाजवादी विद्यार्थी फोरमका केन्द्रिय सचिवालय सदस्य निखील वर्णवालले क्याम्पसमा भईरहेको को कृयाकलाप प्रति सचेत रहन र विद्यार्थीहरुलाई दिनहु परेको समस्या र क्याम्पस प्रशासनको लापरवाहीको विरुद्घ सचेत रहि विद्यार्थीको हकहितका लागि कडा रुपमा अगाडी बढन् नव गठित कमिटिलाई निर्देशन दिदै आफुलाई नेता होईन चौकिदार र सचेतकको रुपमा काम गर्न आग्रह गरेका थिए ।
सम्पन्न भेलामा संघिय समाजवादी फोरम पर्साका कार्यवाहक अध्यक्ष सुन्दर प्रसाद कुर्मी, जिल्ला प्रवक्ता रामनरेश यादव, पुर्व नगर अध्यक्ष लखनलाल गुप्ता, नगर वरिष्ठ उपाध्यक्ष घनश्याम गुप्ता लगायतको उपस्थिती रहेको थियो । यसैविच कमिटीले ठाकुराम वहुमुखी क्याम्पसमा ७ वटा डस्टिबीन हस्तान्तरण गरेको छ ।
