उमेश दुबे
बारा, १२ कार्तिक ÷ बाराको महागढीमाई नगरपालिकामा दुई समुहबिच झडप भएको छ । बाराको महागढीमाई नगरपालिका वडा नं. १ स्थित गढीमाई मन्दिर परिसरमा छठघाट बनाउने बिषयमा दुई समुहबिच झडप भएको हो ।
स्थानियहरुले छठघाट निर्माण गर्ने बारेमा दुई पक्ष बर्तामा बसिरहेकै बेला एकासी दुबै पक्ष बिच झडप शुरु भएको थियो । झडपमा परि अशोक गोढ, जयनारायण जैसवाल, रामजी महतो, नन्दकिशोर ठाकुर, नरेश मन्डल, रामधिस महतो र बिपक्षी पक्षको महागढीमाई नगरपालिका वडा नं. १ निवासी झगरु महतो, गढीमाई मन्दिर संचालन तथा बिकास समितिको सचिव मोतिलाल कुश्वाहा,रामपुकार महतो लगायत १४ बर्षिय दिलिप कुश्वाहा घाईते भएका छन । घाइतेहरुको उपचार वीरगंज अस्पताल र कलैया अस्पतालमा भइरहेको बारा प्रहरीले जनाएको छ ।