राम कुशवाहा
वीरगंज १० फागुन ।
शसस्त्र प्रहरी बल बोर्डर आउट पोस्ट श्रीसियाको टोलीले लागु औषध सहित एकजनालाई पक्राउ गरेको छ । शसस्त्र प्रहरी बल बोर्डर आउट पोस्ट श्रीसियाबाट शसस्त्र प्रहरी निरिक्षक जिवन कुमार मल्लको कमाण्डमा खटेको टोलीले नगवा चौकबाट लागु औषध सहित एक जनालाई पक्राउ गरेको हो । सिमावर्ती सहर रक्सौल बाट वीरगंज तर्फ आउदै गरेको ठोरी गाउपालिका — ५ सुवर्णपुर बस्ने अनुप लामा माथी शंका लागी चेकजाच गर्ने क्रममा उनको साथबाट शरिरमा लुकाई छिपाई ल्याएको लागु औषध फेनरागन ३७ पिस, डाईजोल्याब ३७ पिस, नर्फिन ३७ पिस, नाईट्रोभेट १५ पिस, सुई १ पिस, स्पेसनो प्रोस्किभन ८ पिस लागु औषध सहित निजलाई नियन्त्रणमा लिएको शसस्त्र प्रहरी निरिक्षक जिवन मल्लले जानकारी दिनु भयो । पक्राउ परेका मानिस र लागु औषध सहित आवश्यक कार्यवाहीका लागी जिल्ला प्रहरी कार्यालय पर्सामा बुझाउने त्यारी भईरहेको शसस्त्र प्रहरी निरिक्षक जिवन कुमार मल्लले बताउनु भयो ।