वीरगंज १७ फागुन ।
जिल्ला प्रहरी कार्यालय पर्साले लागु औषध सहित दुई जनालाई पक्राउ गरेको छ । वीरगंज महानगरपालिका वडा नं १६ रजतजयन्ती चौकबाट लागु औषध सहित दुई जनालाई पक्राउ गरिएको हो । पर्सा प्रहरीको लागु औषध नियन्त्रण व्युरो शाखा वीरगंज बाट खटिएको प्रहरी टोलीले सिमावर्ती शहर रक्सौलबाट वीरगंज तर्फ आउदै गरेका काठमाण्डौ महानगरपालिका १० बस्ने रितिल शाही र शुभास कार्कीको साथबाट लागु औषध ईन्जेक्सन डाईजोपाम ५० पिस, फेनरागन ५० पिस, र नुर्फिन ५० फेला पारेको पर्सा प्रहरीले जनाएको छ । पक्राउ परेका दुवै जनालाई आवश्यक कार्यवाहीका लागी जिल्ला प्रहरी कार्यालय पर्सामा राखिएको पर्सा प्रहरी प्रमुख प्रहरी उपरिक्षक रेवती ढकालले जानकारी दिनु भयो ।