राम कुशवाहा
बीरगंज १२ जेठ ।
बीरगंजबाट अलौ हुदै विन्दवासिनी तर्फ लगि रहेको अवस्थामा गएराति सशस्त्र बेस क्याम्प अलौबाट खटिएको टोलीले ३ वटा ट्रयाक्टरमा रहेको मुसुरो दाल पक्राउ गरेको छ । ना १ त ५४०७, ना १ त ९३८५, ना १ त ३८५५ नम्बरको ट्रयाक्टरमा चालकहरु विन्दवासिनी गाउपालिकाका विनोद यादव, प्रमोद यादव र शम्भु पटेललाई १७ लाख मुल्यको ५ सय १८ बोरा मुसुरो दाल सहित विल विजक नभएकाले पक्राउ गरिएको सशस्त्र प्रहरी अलौ बेश क्याम्पका इन्चार्ज ओमराज बानियाले बताउनु भयो । पक्राउ परेको मुसुरो दाल थप कारवाहीका लागि वीरगंज भन्सारमा आज अपरान्ह बुझाईएको बानियाले जानकारी दिनुभयो । विगत केहि समय यता बीरगंजबाट मरिच, केराउ सहित दाल समेत भारत तर्फ अबैध रुपमा चोरी निकासी हुदै आएको छ ।