राम कुशवाहा
वीरगंज २ साउन ।
जिल्ला प्रहरी कार्यालय पर्साले अवैध लागुऔषध गाजा सहित ४ जनालाई पक्राउ गरेको छ । विशेष सुचनाको आधारमा जिल्ला प्रहरी कार्यालय पर्साका प्रहरी उपरिक्षक सोमेन्द्र सिहं राठौरको कमाण्डमा खटेको टोलीले वीरगंज महानगरपालिका २८ बगही बाट १२० किलो लागु औषध गाजा सहित ४ जनालाई नियन्त्रणमा लिएको पर्साका प्रहरी उपरिक्षक सोमेन्द्र सिहं राठौरले जानकारी दिनु भयो । पक्राउ पर्नेमा जिल्ला सर्लाही लालबन्दी नगरपालिका १७ बस्ने वर्ष २१ को रमेश लामिछाने,जिल्ला पर्सा पटेर्वा सुगौली गाउपालिका ४ बस्ने वर्ष ४२ को प्रेम दास, जिल्ला पर्सा सखुवा प्रसौनी गाउपालिका ६ बस्ने वर्ष ३५ को राजेश खवास र जिल्ला सर्लाही लालबन्दी नगरपालिका १७ बस्ने वर्ष २० को डम्मर मणी घिमिरे रहेको पर्सा प्रहरीका प्रवक्ता अनन्त राम शर्माले जानकारी दिनु भयो । पक्राउ परेका चारै जनालाई आवश्यक कार्यवाहीका लागी जिल्ला प्रहरी कार्यालय पर्साको हिरासतमा राखिएको प्रवक्ता शर्माले जानकारी दिनु भयो ।