राम कुशवाहा
वीरगंज ९ साउन ।
भारत बाट अवैध रुपमा भित्रियाईएको २० ओटा भैसी वडा प्रहरी कार्यालय श्रीपुरले आफनो नियन्त्रणमा लिएको छ । वडा प्रहरी कार्यालय श्रीपुरबाट खटेको टोलीले वीरगंज महानगरपालिका वडा नं २२ परवानिपुर नजिक भारतबाट नेपाल तर्फ ल्याउदै गरेको भैसी, ८ ओटा, पाडी, २ ओटा, र पाडा १० ओटा गरी २० वटा भैसी सहित दुई जनालाई नियन्त्रणमा लिएको वडा प्रहरी कार्यालय श्रीपुरका प्रहरी निरिक्षक चक्र बहादुर मल्लले जानकारी दिनु भयो । पक्राउ पर्नेमा पर्साको पोखरिया नगरपालिका ६ बस्ने ईम्तीहान हवारी, सोही ठाउ बस्ने होमिम मिया रहेको प्रहरीले जनाएको छ । पक्राउ परेका भैसी र मानिसलाई आवश्यक कार्यवाहीका लागी वीरगंज भन्सार पठाईने प्रहरी निरिक्षक चक्र बहादुर मल्लले जानकारी दिनुभयो ।