बीरगंज १२ भदौ ।
अबैध लागु औषध गाँजासहित पर्साबाट एक महिला पक्राउ परेकी छन् । पक्राउ पर्नेमा पर्साको सखुवा प्रसौनी गाउँपालिका.वडा नम्बर १ बस्ने ४५ बर्षिया तारा पासवान रहेकी छन् ।चार किलो लागु औषध गाँजा बोकेर भारतर्फ जाँदैगरेकी पासवान पर्सागढी नगरपालिका वडा नम्बर २ स्थित सडकबाट पक्राउ परेकी हुन् ।शसस्त्र प्रहरी बल सुरक्षा वेश वागेश्वरी क्याम्प र अस्थाई प्रहरी पोष्ट मनवा पर्साबाट खटिएको संयुक्त प्रहरी टोलीले चेकजाँचका क्रममा उनको साथबाट सो परिमाणको गाँजा फेला पारेपछी नियन्त्रणमा लिएको जिल्ला प्रहरी कार्यालय पर्साले जनाएको छ । बुधबार राती सवारी साधन तथा पैदल यात्रीसमेतलाई चेकजाँच गर्नेक्रममा करिब १० बजेको समयमा पैदल जाँदै गरेकी उनलाई पक्राउ गरिएको जिल्लाका प्रहरी प्रबक्ता, प्रहरी नायब उपरिक्षक अनन्तराम शर्माले जानकारी दिए ।पक्राउ परेकी पासवानलाई जिल्ला प्रहरी कार्यालयको हिरासतमा राखेर आवश्यक अनुसन्धान भैरहेको उनले बताए ।