बीरगंज २३ पुस ।
पर्साको पटेर्वासुगौलीमा पढन विद्यालय जादै गरेकी एक बालिकालाई सोमबार आफ्नै छिमेकीले अपहरण गरी बलात्कार गरेको घटना सार्वजनिक भएको छ । पटेर्वासुगौली गाउँपालिका वडा नम्बर १ रंगपुरमा रहेको विद्यालयमा पढन जादै गरेकी १४ बर्षिया बालिकालाई स्थानिय गुलाब मिया र फिरोज अन्सारीले अपहरण गरी मोटर साईकलमा राखेर आफ्नो बढनियारमा रहेको कुखुरा फारममा पुर्याई सोमबार जवरजस्ती करणी गरेका थिए । बालिकालाई अभियुक्तहरुले राति छाडेपछि घटना सार्वजनिक भएको थियो । पिडित बालिकाको स्वास्थ्य परिक्षण गरिएको छ भने जवरजस्ती करणी गरेको आरोपमा प्रहरीले गुलाव मियां चुरिहारलाई पक्राउ गरेको छ । अर्का अभियुक्त फिरोज अन्सारी भने फरार रहेका छन् । घटनाका बारेमा थप अनुसन्धान भईरहेको पर्सा प्रहरीले जनाएको छ ।