राम कुशवाहा
वीरगंज ९ चैत ।
बन फडानी गरी ल्याईरहेको सालको काठ सहित प्रहरीले दुईजनालाई पक्राउ गरेको छ । पक्राउ पर्नेमा पर्सा गढि नगरपालिका वडा नं ५ का नसरुदिन मिया र फरमान मिया रहेको प्रहरीले जनाएको छ । वडा प्रहरी कार्यालय श्रीपुर बाट खटेको टोलीले वीरगंज महानगरपालिका वडा नं २८ दरदरवा नहर चौकबाट ३ प्वाईन्ट ५ क्युफिटको ६ थान सालको काठ बरामद गरेको वडा प्रहरी कार्यालय श्रीपुरका प्रहरी सहायक निरिक्षक राम प्रवेश भारतीले जानकारी दिनु भयो । अवैध काठ सहित पक्राउ गरिएका दुवैजनालाई जिल्ला वन कार्यालय पर्सामा बुझाईएको प्रहरी सहायक निरिक्षक राम प्रवेश भारतीले बताउनु भयो ।