राम कुशवाहा
वीरगंज ३० माघ ।
पर्सा प्रहरीले अवैध हतियार सहित एकजनालाई वीरगंज महानगरपालिकाको वडा नं २५ सिर्सियाबाट नियन्त्रणमा लिएको छ । विषेश सुचनाको आधारमा जिल्ला प्रहरी कार्यालय पर्साबाट खटेको टोलीले वीरगंज महानगरपालिका वडा नं २५ सिर्सिया वस्ने उपेन्द्र साहलाई नियन्त्रणमा लिएको प्रहरीले जनाएको छ ।
भारतबाट नेपाल तर्फ आईरहेको वीआर ५ एफ ४६४७ नम्वरको भारतिय मोटरसाईकलमा सवार उपेन्द्र साह माथी संका लागी चेकजाच“ गर्दा निजको साथबाट नलकटुवा पेस्तौल बरामद भएपछि उनलाई नियन्त्रणमा लिएको जिल्ला प्रहरी कार्यालय पर्साका प्रवक्ता प्रहरी नायव उपरिक्षक मनोजित कुवरले जानकारी दिनुभयो ।
अवैध हतियार सहित पक्राउ परेका साहलाई जिल्ला प्रहरी कार्यालय पर्साको हिरासतमा राखी आवश्यक अनुसन्धान भईरहेको जिल्ला प्रहरी कार्यालय पर्साका प्रवक्ता मनोजित कुवरले बताउनु भयो ।