बीरगंज ४ फाल्गुन ।
भारतबाट नेपाल भित्रियाईएको अवैध लागु औषध सहित एक युवकलाई प्रहरीले बीरगंजबाट पक्राउ गरेको छ ।भारतबाट ७५ थान अवैध लागु औषधी बोकेर नेपाल तर्फ पैदल आउदै गरेको अवस्थामा प्रहरीले मकवानपुर जिल्ला हेटौडा उपमहानगरपालिका वडा नम्बर ८ निवासी २१ वर्षिय अभिषेक पराजुलीलाई पक्राउ गरेको जिल्ला प्रहरी कार्यालय पर्साका प्रवक्ता डिएसपी मनोजित कुवँरले जानकारी दिनु भयो । पक्राउ परेका पराजुलीको साथबाट २५ पिस फेनार्गन, २५ पिस डाईजेपाम र २५ पिस नुर्फिन गरी ७५ पिस प्रतिबन्धित औषधी फेला परेको डिएसपी कुँवरले बताउनु भयो । अभियुक्तलाई लागु औषध ओसारपोसार ऐन अन्र्तगत मुद्दा दर्ता गरी थप अनुसन्धान सुरु गरिएको प्रहरीले जनाएको छ ।