राम कुशवाहा
बीरगंज १७ फागुन ।
पर्सा प्रहरीले अवैध लागु औषध गाजा सहित पर्सा गढि नगरपालिका वडा नं. ९ बडेर्वाबाट दुईजनालाई पक्राउ गरेको छ ।
पक्राउ पर्नेमा जिल्ला मकवानपुर राक्सीराङ गाउपालिका वडा नं. ८ बस्ने वर्ष १८ को सुकराम तामाङ र सोही ठाउ“ बस्ने वर्ष १९ को अस्मिता तामाङ रहेको पर्सा प्रहरीले जनाएको छ ।
बिषेश सुचनाको आधारमा जिल्ला प्रहरी कार्यालय पर्साबाट खटेको प्रहरी टोलीले पर्सा गढि नगरपालिका वडा नं. ९ बडेर्वाबाट एकटांङा तर्फ पैदल जादै गरेको सुकराम तामाङ र अस्मिता तामाङ माथी संका लागी चेकजाच गर्दा, दुवैजनाले शरिरमा टेपले बेरिएको अवस्थामा दुई—दुई किलोको दरले अवैध लागु औषध गाजा फेला परेपछि निजहरुलाई नियन्त्रणमा लिएको जिल्ला प्रहरी कार्यालय पर्साका प्रवक्ता प्रहरी नायव उपरिक्षक ओम प्रकाश खनालले जानकारी दिनु भयो ।
गाजा सहित पक्राउ परेका दुवैजना संग मकवानपुरबाट पर्सा गढि सम्म लागु औषध गाजा लयाईदिन आर्थिक प्रलोभन दिएको देखिएको छ, र आर्थिक प्रलोभन दिने व्यक्तिको पनि पहिचान भईसकेको र निजको खोजी कार्य भईरहेको प्रहरी नायव उपरिक्षक ओम प्रकाश खनालले बताउनु भयो ।
लागु औषध गाजा सहित पक्राउ परेका दुवैजनामाथी लागु औषध कसुर मुद्धामा आवश्यक कार्यवाही प्रक्रिया अगाडी बढाईएको जिल्ला प्रहरी कार्यालयका प्रवक्ता प्रहरी नायव उपरिक्षक ओम प्रकाश खनालले जानकारी दिनु भयो ।