राम कुशवाहा
बीरगंज २६ बैशाख ।
पर्सा प्रहरीले पर्साको बहुदरमाई नगरपालिकाको बिश्रामपुरबाट ७० किलो भन्दा बढि अवैध लागु औषध गाजा बरामद गरेको छ ।
बिषेश सुचनाको आधारमा जिल्ला प्रहरी कार्यालय पर्साबाट खटेको प्रहरी टोलीले पर्सा बहुदरमाई नगरपालिका वडा नं. ९ बिश्रामपुर बस्ने सोती कलवारको घरबाट ठुलोमात्रामा गाजा बरामद गरेको हो ।
प्रहरीलाई लागु औषध गाजाको कारोबार भईरहेको सुचनाको आधारमा पर्सा बहुदरमाई नगरपालिका वडा नं. ९ बिश्रामपुर बस्ने सोती कलवारको घरमा जादा प्रहरीलाई देखी सोती कलवार फरार भएको र निज सोती कलवारको घर रितपुर्वक खानतलासी गर्दा कलवार सुत्ने कोठाको खाट मुनी ४ ओटा बाल्टिनमा १६ ओटा पोकामा ७० किलो ४८० ग्राम अवैध लागु औषध गाजा बरामद भएको पर्साका प्रहरी उपरिक्षक बेल बहादुर पाण्डेले जानकारी दिनुभयो ।
गाजा बरामद भएपछि फरार भएका घरधनि सोती कलवारको व्यापक खोज तलास भईरहेको र कलवार विरुद्ध लागु औषध गाजा सम्बन्धी कसुरमा आजै मुद्धा दर्ता गरी अनुसन्धान अगाडी बढाइएको पर्सा प्रहरीका प्रवक्ता प्रहरी नायव उपरिक्षक ओमप्रकाश खनालले जानकारी दिनुभयो ।