बीरगंज १५ असार ।
बारा प्रहरीले अवैध लागू औषध गाँजा सहित पर्साका एकजना लाई पक्राउ गरेको छ । पर्साको पकहा मैनपुर गाँउपालिका वडा नम्बर १ निवासी राज महम्मद मियाँ हजामलाई बारा प्रहरीले पक्राउ गरेको हो । चेकजाँचको क्रममा १५ किलो अवैध लागू औषध गाँजा सहित राज महम्मदलाई ईलाका प्रहरी कार्यालय जितपुरको टोलीले पक्राउ गरेको बाराका प्रहरी नायब उपरीक्षक एवम् प्रवक्ता गौतम मिश्रले बताउनुभयो । पथलैयाबाट बीरगन्ज तर्फ साईकलमा आउदै गरेको अवस्थामा शंका लागि जितपुर–पथलैया सडक खण्डको जितपुरसिमरा उपमहानगरपालिका वडा नम्बर ७ स्थित सडक खण्डमा चेकजाँच गर्दा पिठयुमा बोकेको १ पोका र साईकलको कैरियरमा राखेको १ पोका गरि १५ किलो अवैध लागू औषध गाँजा बरामद गरिएको प्रवक्ता मिश्रले बताउनुभयो । मियालाई लागुऔषध मुद्दामा अनुसन्धान भइरहेको प्रहरीले जनाएको छ ।