भिस्वा, २ श्रावण ।
छिपहरमाई युवा समुहका युवाहरु ले एक स्थानीय अपांग लाई तीन पान्ग्रे साइकल सहयोग गरेका छन । छिपहरमाई गाउँ पालिका वडा नम्बर ४ बंजारीका स्थानीय वासिन्दा गुड्डू महतो कमकर लाई आज छिपहरमाई युवा समूह ले तिन पान्ग्रे साइकल उपलब्ध गराई सहयोग गरेको छ ।
छिपहरमाई युवा समुहका सल्लाहकार समेत रहेका मणिकान्त गुप्ताको आर्थिक सहयोगमा उक्त तीन पान्ग्रे साइकल सहयोग स्वरूप कमकर लाई उपलब्ध गराइएको हो । केहि बर्ष पहिला एउटा दुर्घटनामा कमकर ले आफ्नो खुट्टा गुमाएका थिए । त्यस घटना पश्चात आपांगीय जीवन ब्यतीत गर्दै आएका कमकर बैशाखी को भरमा जीवन यापन गर्दै आएका उनले बारम्बार छिपहरमाई गाउँ पालिका कार्यालय संग अपांगहरूको लागी सहयोगार्थ स्वरूप तीन पान्ग्रे साइकल मांग गर्दै आएका थिए ।
छिपहरमाई गाउँ पालिका बाट कुनै सकारात्मक पहल नदेखिए पछि उनी आफ्नो रिस सामाजिक सञ्जालमा एउटा वीडियो मार्फत पोखेका थिए । सामाजिक सञ्जालमा उनको वीडियो वायरल भएपछि छिपहरमाई युवा समूह का स्थानीय युवाहरुले उनलाई उक्त तीन पान्ग्रे साइकल उपलब्ध गराई सहयोग गरेकछन ।
तीन पान्ग्रे साइकल पाए पछि खुशी भएका कमकर छिपहरमाई युवा समाजका युवाहरुलाई धन्यबाद ज्ञापन गरेका थिए ।