वीरगञ्ज । लायन्स क्लव अफ वीरगञ्ज आदर्शनगरले वीरगञ्ज उद्योग वाणिज्य सङ्घका अध्यक्ष तथा कार्यसमितिका सदस्यहरुलाई एक समारोहका बीच सम्मान गरेको छ ।
वीरगञ्जको होटल मकालुमा आयोजित कार्यक्रममा सङ्घका अध्यक्ष सुबोधकुमार गुप्ता तथा कार्यसमिति सदस्य दिपक टिबडेवाल, प्रमोद चौरसिया र सुरेश रुँगटालाई लायन्स क्लबका पाष्ट इन्टरनेशनल डाईरेक्टर लायन संजय खेतानले अबिर तथा माला लगाई बधाई पत्रद्वारा सम्मान गर्नु भएको थियो ।
सम्मान गर्दै खेतानले सङ्घका वरिष्ठ उपाध्यक्ष रहेका बखत महासङ्घको सदस्यमा निर्वाचित हुनु भएका गुप्ताले आफ्नो व्यक्तित्वलाई निरन्तर उँचाईमा पुर्याई रहनु भएको बताउनु भयो ।
लायन्स क्लबसँग आबद्ध सम्मानित हुने अध्यक्ष गुप्ता र कार्यसमिति सदस्य वीरगञ्ज उद्योग वाणिज्य सङ्घमा निर्वाचित हुनु भएकोमा धेरै खुशीको कुरा रहेको समेत बताउनु भयो ।
कार्यक्रममा बोल्दै सङ्घका अध्यक्ष गुप्ताले यो सम्मान आफ्नो सम्मान मात्र नभई सम्पूर्ण लायन्स क्लबको सम्मान रहेको बताउँदै सम्मान गरेकोमा क्लबलाई धन्यवाद समेत दिनुभयो ।
उहाँले वीरगञ्ज उद्योग वाणिज्य सङ्घको इतिहासमा सङ्घको अध्यक्ष नभई केन्द्रमा चुनाव जित्ने आफू पहिलो व्यक्ति रहेको बताउनुभयो, साथै आफुलाई चुनावमा जिताउन अहम् भूमिका लायन्स क्लबको रहेको बताउँदै क्लबका नवनिर्वाचित अध्यक्ष लायन शंकर मालुलाई आगामी कार्यकालकोलागि बधाई समेत दिनुभयो ।
प्रतिक्रिया
सम्बन्धित खवर
