वीरगञ्ज,२९ भदौ । सशस्त्र प्रहरी बल बिओपी वीरगञ्ज भन्सारले ६ किलो लागुऔषध गाँजा सहित एकजनालाई पक्राउ गरेको छ । पक्राउ पर्नेमा जिल्ला बारा जितपुर सिमरा उप—महानगरपालिका वडा नम्बर ७ बस्ने वर्ष १८ को पवन कुमार श्रीवास्तव रहेका छन । वीरगञ्ज महानगरपालिका वडा नम्बर १६ शंक्राचार्य गेट स्थित डिउटीमा खटिएको सशस्त्र प्रहरीको टोलीले नेपाल बाट भारत तर्फ जादै गरेका श्रीवास्तवको साथ बाट ६ किलो लागुऔषध गाँजा बरामद गरिएको सशस्त्र प्रहरी बल बिओपी वीरगञ्ज भन्सारका प्रमुख सशस्त्र प्रहरी निरीक्षक सुवर्ण बमले जानकारी दिए । वीरगञ्ज हुदै पैदल हिडेर सिमावर्ति भारतीय शहर रक्शौल तर्फ गइरहेका श्रीवास्तव माथी शंका लागी चेकजाच गर्दा ६ किलो लागुऔषध गाँजा बरामद भएको सशस्त्र प्रहरी निरीक्षक बमले बताए । लागुऔषध गाँजा सहित पक्राउ परेका श्रीवास्तवलाई थप आवश्यक कार्यवाही प्रक्रिया अगाडी बढाइएको सशस्त्र प्रहरी बल बिओपी वीरगञ्ज भन्सारले जनाएको छ ।