राम कुशवाहा
वीरगंज २१ पुस ।
पर्सा प्रहरीले वीरगंज महानगरभित्र मोटरसाईकल चोरीको घटना बढेसंगै आफनो निगरानी बढाएपछि ३ जना मोटरसाईकल चोरहरुलाई नगरको विभिन्न स्थानबाट मोटरसाईकल चोरी गर्दै गरेको अवस्थामा रंगेहात पक्राउ गरेको छ ।
प्रहरीले वीरगंज महानगरपालिका वडा नं १५ सिरोमणि टोलमा सडक छेउमा पार्किड्ड गरी राखेको प्रदेश २—०३—०१३ प २४५७ नम्बरको २०० सिसिको एनएस पल्सर मोटरसाईकल चोरी गरी भाग्दै गरेको अवस्थामा वीरगंज महानगरपालिका वडा नं १५ बस्ने वर्ष २० को अवधेश महतो र सोही ठाउ बस्ने वर्ष २१ को सुवास तिवारीलाई नियन्त्रणमा लिएको पर्सा प्रहरीका प्रवक्ता प्रहरी नायव उपरिक्षक ओम प्रकाश खनालले जानकारी दिनुभयो ।
त्यसैगरी प्रहरीले वीरगंज महानगरपालिका घण्टाघर नजिक सडक छेउमा पार्किड्ड गरी राखेको ना २५ प ८६६९ नम्बरको २०० सिसि पल्सर मोटरसाईकल चोरी गरी भाग्दै गरेको अवस्थामा घण्टाघर चौकमा डिउटीमा रहेको प्रहरीले जिल्ला बारा कोल्हबी नगरपालिका वडा नं ९ बस्ने वर्ष १९ को सविन चौधरीलाई नियन्त्रणमा लिएको पर्सा प्रहरीको प्रवक्ता ओम प्रकाश खनालले जानकारी दिए ।
पक्राउ परेका ३ नै जनालाई चोरी सम्बन्धि कसुरमा मुद्धा दर्ता गरी आवश्यक कार्यवाही प्रक्रिया अगाडी बढाईएको पर्सा प्रहरीका प्रवक्ता ओम प्रकाश खनालले जानकारी दिनुभयो ।