वीरगंज ७ साउन । जिल्ला प्रहरी कार्यालय पर्साले ठुलो मात्रामा अवैध लागु अौषध सहित एक जनालई पक्राउ गरेको छ।
पर्सा प्रहरीको अपराध अनुसन्धान शाखाका प्रहरी निरीक्षक प्रज्जवल थपलियाको कमाण्डमा खटिएको टोलीले BRO7Y 8201 नम्बरको भारतिय सुजुकी मारुती कारलाई रोकी चेकजाँच गर्दा कारको सिटमुनी फल्स बटम बनाई कागजले वेरी राखिएको अवस्थामा लागुअौषध फेनारगन ८८६ एम्पुल , डाईजेपाम ११५५ एम्पुल र नुरफिन ९७८ एम्पुल गरि जम्मा ३०१९ थान र नाईट्रभेट १७८५ ट्याब्लेट सहित भारतिय कारलाई पक्राउ गरेको पर्सा प्रहरी प्रमुख प्रहरी उपरीक्षक रमेश बस्नेतले जानकारी दिनुभयो ।

पक्राउ पर्नेमा वीरगंज महानगरपालिका वडा नम्वर १० का अनिल कुमार रहेको पर्सा प्रहरीले जनाएको छ । अवैध लागू औषध सहित पक्राउ परेका अनिल कुमार माथी लागू औषध ओसारपसार सम्बन्धि कसूरमा अनुसन्धान अगाडि बढाएको पर्सा प्रहरी प्रमुख, प्रहरी उपरीक्षक बस्नेतले जानकारी दिनुभयो।