वीरगन्ज ,७ साउन ।
पर्साको स्थानीयतहमा निर्वाचित यादव जनप्रतिनिधिलाई आज सम्मान गरिएको छ । यादव युवा समाज पर्साको आयोजनामा यादव जनप्रतिनिधिलाई सम्मान गरिएको हो ।
यादव पालिका प्रमुख , वडा अध्यक्ष र सदस्यहरुलाई खादा र मायाको चिन्ह प्रदान गरि सम्मान गरिएको यादव युवा समाज पर्साका हरेन्द्र यादवले जानकारी दिए ।
उनका अनुसार पर्सामा निर्वाचित यादव जनप्रतिनिधिलाई हौसला प्रदान गर्न यो सम्मान गरिएको छ ।
यादव समुदायबाट जिल्लाको सखुवा प्रसौनी गाउँपालिकाको प्रमुखमा यस्वन्त यादव र जगरनाथपुर गाउँपालिकाको प्रमुखमा श्रीकान्त यादव निर्वाचित भएका छन ।
यस्तै जिल्लाको अधिकान्श पालिकाको वडा अध्यक्ष र सदस्यमा यादव जनप्रतिनिधि निर्वाचित भएका छन ।
यादव युवा समाज पर्साका अध्यक्ष विनोद यादवको अध्यक्षतामा भएको कार्यक्रममा श्री श्री गोपाल सेवा समिति पर्साका अध्यक्ष बिरेन्द्र यादव , जसपा कि नेतृ मधुमाया यादव , जगरनाथपुर गाउँपालिकाका अध्यक्ष श्रीकान्त यादव , सखुवा प्रसौनी गाउँपालिकाका अध्यक्ष यस्वन्त यादव , डाक्टर प्रीति यादव ,डाक्टर अशोक यादव , तिवारी यादव लगायतका मन्तव्य राखेका थिए ।
कार्यक्रमको सहजीकरण डा. घनश्याम यादवले गरेका थिए ।