बीरगंज २६ साउन ।
वीरगंज पोखरीया सडक खण्डको सिर्सिया स्थित पुल नजिकै ट्रक र अटो एक आपसमा ठोक्किदा ६ जना घाइते भएका छन् । घाइते मध्य १ को अवस्था गम्भिर रहेको छ । बीरगंजबाट सिर्सिया सुख्खाबन्दरगाह तर्फ गई रहेको ना ७ ख ११६८ नम्बरको ट्रक र विपरित दिशाबाट आई रहेको ना १ ह ५८६१ नम्बरको अटो रिक्सा एक आपसमा ठक्कर खादा अटो रिक्सामा रहेका ६ यात्रु घाइते भएको प्रहरीले जनाएको छ । घाइते मध्ये एकको अवस्था गम्भिर रहेको वडा प्रहरी कार्यालय श्रीपुरका प्रहरी निरिक्षक चक्र बहादुर मल्लले जानकारी दिनुभयो । घाइतेहरुको तराई अस्पतालमा उपचार भई रहेको छ ।