वीरगञ्ज, २१ चैत – पर्सा प्रहरीले भारतबाट नेपालतर्फ आउँदै गरेको एक स्कार्पियो गाडीबाट २२० ग्राम खैरो हिरोइन बरामद गर्दै चार जनालाई पक्राउ गरेको छ। पक्राउ पर्नेमा लागुऔषध मुद्दामा संलग्न भई फरार रहेका कृष्णा कुमारसहित अन्य तीन जना रहेका छन्।

मंगलबार साँझ करिब ६:३० बजे वीरगञ्ज महानगरपालिका वडा नं.१६, रजतजयन्ती चोक नजिक जिल्ला प्रहरी कार्यालय पर्सा र प्रहरी चौकी इनर्वाको संयुक्त टोलीले भारतको रक्सौलबाट नेपालतर्फ आउँदै गरेको BR06DE0007 नम्बरको कालो स्कार्पियो रोकी जाँच गर्दा, गाडीको पछाडिको भागमा कार्पेटले छोपेर राखिएको दुई पोका खैरो हिरोइन फेला परेको हो। तीमध्ये एक पोकामा १०० ग्राम र अर्कोमा १२० ग्राम गरी जम्मा २२० ग्राम लागुऔषध बरामद गरिएको प्रहरीले जनाएको छ।

पक्राउ पर्नेहरूमा

  • वर्ष ३७ का कृष्णा कुमार (वडा नं.१४, मौजे, रक्सौल, बिहार)
  • वर्ष ३८ का सुधिर कुमार (वडा नं.१३, रक्सौल, बिहार)
  • वर्ष ४८ का अमित कुमार (वडा नं.१३, रक्सौल, बिहार)
  • वर्ष २७ का राजा कुमार (ग्राम सिसवा, वडा नं.१, रक्सौल, बिहार, गाडी चालक)

प्रहरीले चारै जनालाई लागुऔषध सम्बन्धी कसूरमा पर्सा जिल्ला अदालतबाट पाँच दिनको म्याद थप अनुमति लिई अनुसन्धान अघि बढाएको जनाएको छ।

प्रतिक्रिया

सम्बन्धित खवर

ताजा समाचार

लोकप्रिय