वीरगंज २३ बैशाख ।
इन्डियन प्रिमियर लिग (आइपीएल) क्रिकेट अन्तर्गत आज दुई खेल हुदैछ । अजको पहिलो खेल मुम्बई इन्डियन्स र कोलकोत्ता नाई राइडर्स विच हुनेछ । खेल मुम्बईमा नेपाली समय अनुसार अपराह्न सवा ४ बजे शुरु हुनेछ । यस्तै आजको दोस्रो खेलमा किंग्स इलेभेन पंजाव र राजस्थान रोयलस विच इन्दोरमा साझ सवा ८ बजे हुनेछ । प्रतियोगिता अन्गर्तत हिजो भएको खेलमा सनराईजर्स हैदरावाद र चेन्नाई सुपर किङ्स विजयी भएका छन् । पहिलो खेल जित्दै चेन्नाई अंक तालिकाको शीर्ष स्थानमा उक्लिए पनि दोस्रो खेलमा हैदरावाद विजयी भएपछि चेन्नाई फेरि दोस्रो स्थानमा झरेको छ । गएरातिका खेलपछि आइपीएल अंक तालिकामा ९ खेलबाट १४ अंक जोडेको सनराईजर्स हैदरावाद शीर्ष स्थानमा रहेको छ । एक खेल बढी खेलेको चेन्नाई समान १४ अंकसहित दोस्रो स्थानमा रहेको छ । तेस्रो र चौथो स्थानका कोलकाता र पञ्जावको समान १०÷१० अंक रहेको छ ।