वीरगंज, जेठ २६
युवा जनकल्याण समाज संघ सिर्सिया खल्वाटोलाको आयोजनामा आज रक्तदान कार्यक्रम सम्पन्न भएको छ । वीरगंज महानगरपालिका वडा नं. २५ सिर्सिया खल्वा टोलामा आयोजित रक्तदान कार्यक्रमको राजपाका महासचिव राजेशमान सिंहले उद्घाटन गर्नुभएको थियो । संघका अध्यक्ष शम्भु पटेलको अध्यक्षतामा भएको कार्यक्रममा ब्लोदानका सचिव अरबिन्द सिंह, राजपा पर्साका संयोजक प्रेमबाबु पटेलसमेतको सहभागिता थियो । रक्तदान कार्यक्रममा ८ महिला सहित ६२ जनाले रक्तदान गरेका छन । रक्तदान गर्नेहरुमा आत्माराम साह,चन्दन कुमार साह,कृष्णा यादव,रंजित कुमार कानु,उतम साह कानु,सुनिल पटेल,प्रमोद साह तुरहा,पवन कुमार गुप्ता,संतोष पासवान लगायत रहेको रक्त संचार केन्द्र वीरगंजका प्रमुख प्रबिन मानन्धरले जानकारी दिनुभयो ।