बीरगंज २८ जेठ ।
बीरगंजको बाईपास सडक खण्डको माईदिया पोखरी अगाडी आज दिउ“सो बीरगंजबाट रक्सौल तर्फ गई रहेको ना ५ ख ८६६० नम्बरको कन्टेनरले ठक्कर दिंदा एक पैदल यात्रुको घटना स्थलमै मृत्यु भएको छ । मृत्यु हुनेमा रौतहट भेलाही ४ निवासी २१ बर्षिय दिपेन्द्र कुमार दास रहेका छन । आप विक्री गर्न बीरगंज आएका दासलाई कन्टेनरले ठक्कर दिएर भागेको अवस्थामा स्थानियले कन्टेनर सहित चालकलाई नियन्त्रणमा लिएका थिए । आक्रोशित स्थानिय वासिन्दाले कन्टेनरमा आगजनी गरेका छन् । आगजनीबाट कन्टेनरको अगाडीको भाग पूर्ण रुपमा जलेर नष्ट भएको छ । कन्टेनरमा लागेको आगो बिरगंज महानगरपालिकाबाट आएको बारुण यन्त्र तथा प्रहरीले नियन्त्रणमा लिएको जिल्ला प्रहरी कार्यालय पर्साका प्रवक्ता एवं डिएसपी राजन लिम्बुले बताउनु भयो ।
प्रहरीले कन्टेनर चालक मकवानपुर जिल्ला हेटौडा उपमहानगरपालिका वडा नम्बर ४ निवासी अनिल लामालाई नियन्त्रणमा लिएको छ । मृतकको शव पोर्टमार्टमका लागि नारायणी उपक्षेत्रिय अस्पतालमा लगिएको छ ।
यसैगरी रक्सौलबाट बीरगंज तर्फ आई रहेको ना १ छ ३९०८ नम्बरको ई(रिक्सा र विपरित दिसाबाट गई रहेको बा १८ च ३७१४ नम्बरको कार आज दिउ“सो २ बजे एक आपसमा ठक्कर खा“दा ई(रिक्सामा सवार ६ जना यात्रु घाइते भएका छन् । घाइतेलाई तत्काल स्थानियको सहयोगमा उद्धार गरी उपचारको लागि नारायणी उपक्षेत्रिय अस्पताल पुर्याएको जिल्ला प्रहरी कार्यालय पर्साका प्रवक्ता राजन लिम्बुले जानकारी दिनुभयो । दुर्घटनामा ई(रिक्सा र कार क्षति ग्रस्त भएका छन ।