वीरगंज २२ असार ।
संघिय समाजवादी फोरम नेपाल वीरगंज महानगर कमिटिको बैठक आज गोपाल मण्डलीमा सम्पन्न भएको छ । नगर अध्यक्ष मुकेश दुवेद्धीको अध्यक्षतामा भएको बैठकमा संघिय समाजवादी फोरम नेपालको राष्ट्रिय महाअधिवेशनलाई मध्यनजर गर्दै अन्तर पार्टी निर्देशन ६ लाई कडाईका साथलागु गरी वडा नं १ देखी ३२ सम्मका वडाहरुको बैठक, कमिटि गठन, पुर्ण गठन तथा सदस्यता वितरण तदारुकताका साथ सम्पन्न गरी राष्ट्रिय महाअधिवेशनमिति २०७५ माघ २७,२८ र २९ गते भव्यताका साथ सम्पन्न गर्ने निर्णय गरेको छ ।

सो बैठकमा प्रमुख अतिथि संघिय समाजवादी फोरम नेपालका पर्सा जिल्लाका कार्यवाहक अध्यक्ष एंव नगर ईन्र्चाज सुन्दर कुर्मी,जिल्ला सदस्य मुम्ताज आलम, नगर उपाध्यक्ष प्रकाश शर्मा, शेख रुशतम, नगर सचिव राजिव सर्राफ, नगरको युवा अध्यक्ष सद्धाम हुसैन, नगर सदस्यहरु कुन्दन सिह, दिपु वर्मा, प्रभु महतो, प्रमेश्वर तुरहा, सर्फराज अहमद, मनमोहन पाण्डे, प्रेम सर्राफ, लगायत नेता तथा कार्यकर्ताहरुको बाक्लो उपस्थीती रहेको थियो ।