वीरगंज २६ असार ।
पर्सा प्रहरीले हत्या अभियोगमा पक्राउ गरेको ३ जनालाई आज पत्रकार सम्मेलनगरी  सार्वजनिक गरेको छ । वीरगंज महानगरपालिका वडा नं ८ गहवाटोल बस्ने पशुपति बैण्डका संचालक भिखारी रामलाई असार १० गते साझ १०ः०० बजेको समयमा अज्ञात व्यक्तिले वीरगंजको रेल्बे रोड र लिंक रोडको बिचमा रहेको गल्ली बाटोमा हत्यागरी फरार भएका थिए । पक्राउ परेका तिनैजना अभियुक्त मध्ये अत्याधिक मादक पदार्थ सेवन गरेका महजिद मिया“ हजामले सामान्य विवादमा भिखारी रामको हत्या गरेको प्रहरी अनुशन्धानबाट खुलेको एसपी ढकालले जानकारी दिनुभयो । पन्ध्र दिनको अथक प्रयास पछि अभियुक्तहरुलाई पक्रन सफल भएको प्रहरी उपरिक्षक रेवती ढकालले बताए । पक्राउ पर्नेमा बारा जिल्ला कलैया उपमहानगरपालिका २० बस्ने महजिद मिया“ हजाम, जिल्ला सर्लाही बरहथवा १० बस्ने भरत थापा, जिल्ला कास्की लेखनाथ नगरपालिका १ बस्ने बिजय नेपाली रहेको प्रहरीले जनाएको छ । पक्राउ परेका अभियुक्तहरुलाई कर्तव्य ज्यान मुद्धामा अदालतबाट म्याद लिई अनुसनधान भईरहेको प्रहरी उपरिक्षक रेवती ढकालले पत्रकार सम्मेलनमा जानकारी दिनुभयो ।