उमेश दुबे

बारा, २९ असार / बाराको देवताल गाउपालिका वडा नं. १ बडकि फुलवरीयामा भारतीय नम्बरको ट्रयाक्टर ठक्कर दिदा एक जना बालकको मृत्यु भएको छ । माटो बोकेको भारतीय ट्रयाक्टरले ठक्कर दिदा घटनास्थलमै बालकको मृत्यु भएको हो । बाराको देवताल गाउपालिका वडा नं. १ बस्ने रामनाथ प्रसाद यादवको ५ बर्षिय छोरा दिवश कुमार यादवलाई ट्रयाक्टरले ठक्कर दिदा मृत्यु भएको बारा प्रहरीले जनाएको छ । अन टेस्ट रहेको भारतीय ट्रयाक्टरमा माटो बोकी भारततर्फ जादै गरेको अवस्थामा ठक्कर लागि ५ बर्षिय यादवको मृत्यु भएको प्रहरीले जनाएको छ । भारतको जिल्ला मोतिहारी पूर्वी चम्पारण बिहार पचपोखरी बस्ने रामप्रवेश राय यादवको २१ बर्षिय छोरा राजेश प्रसाद राय यादव चालक रहेको प्रहरी चौकी सनफुलवाले जनाएको छ । चालक र ठक्कर दिने ट्रयाक्टर बारा प्रहरीले आफ्नो नियन्त्रणमा लिएको बारा प्रहरीले जनाएको छ ।