वीरगंज श्रावण ७ ।

लायन्स क्लब अफ वीरगंज ग्रीन क्याम्पसको वर्ष २०१८-१९ को नयां कार्यसमितिको सभापतिमा लायन रविशंकर सर्राफलाई चयन गरिएको छ । वीरगंजको होटल मकालुमा आयोजित कार्यक्रममा सर्राफलाई वर्ष २०१८-१९ को लागि सभापतिमा चयन गरिएको निवर्तमान सभापति लायन रिकेश साहले घोषणा गर्दै पद हस्तान्तरण गर्नुभयो । कार्यक्रमलाई सम्बोधन गर्दै लायन्स क्लबका डिष्ट्रक एडभाईजर लायन देव चौधरीले लायन्स क्लब अफ वीरगज ग्रीन क्याम्पसले विगतमा झैं सामाजिक सेवामा लायन्सको गरिमालाई अझै उच्च बनाउदै लैजाने अपेक्षा आफुहरुले लिएको बताउंदै बधाई ज्ञापन गर्नुभयो ।

त्यसैगरि कार्यसमितिको प्रथम उपाध्यक्षमा लायन विजय कुशवाहा, द्वितीय उपाध्यक्ष श्याम गुप्ता, तृतीय उपाध्यक्ष आयुष लाठ, सचिव रोशन रौनियार, सहसचिव पुरुषोत्तम कुमार गुप्ता, कोषाध्यक्ष किरण कुमार अग्रवाल, सहकोषाध्यक्ष रंजित गुप्ता चयन भएका छन् । कार्यक्रममा लायन्स क्लबका डिस्ट्रीक चीफ उमेश साह कानु, एरिया को चिफ राघव आचार्य, रिजन चेयर पर्सन बासु तिमल्सीना, जोन चेयर पर्सन चन्द्रशेखर पटेल लगायतले शुभकामना मन्तव्य व्यक्त गर्नुभएको थियो ।