राम कुशवाहा
वीरगंज ३० साउन ।
सशस्त्र प्रहरी वीरगंज भन्सार राजश्व गस्ती टोलीले अवैध लागु औषध सहित एकजनालाई पक्राउ गरेको छ ।पक्राउ पर्नेमा काठमाण्डौ चन्द्रगीरी नगरपालिका ५ बस्ने अनिल सापकोटा रहेको सशस्त्र प्रहरीले जनाएको छ ।वीरगंज महानगरपालिका वडा नं १६ वीरगंज भन्सारको मुलगेटमा रक्सौल बाट वीरगंज तर्फ आईरहेको ना ७१९ नम्बरको अटो रिक्सामा सवार सापकोटा माथी शंका लागी चेकजाच गर्दा निजले शरिरमा वेरेर लुकाईछिपाई ल्याईरहेको अवस्थामा लागु औषध फेनरागन ५४ एम्पुल, डाईजोल्याब ५४ एम्पुल, नुर्फिन ५४ एम्पुल जम्मा गरी १६२ एम्पुल लागु औषध सहित सापकोटालाई नियन्त्रणमा लिएको सशस्त्र प्रहरीले जनाएको छ ।पक्राउ गरिएको अवैध लागु औषध सहित मानिसलाई जिल्ला प्रहरी कार्यालय पर्सामा पठाईएको सशस्त्र प्रहरी बल वीरगंज भन्सार राजश्व तथा सुरक्षा गुल्मका डिएसपी तिलक खडकाले जानकारी दिनु भयो ।