बीरगंज ६ भदौ ।
जंगली हात्तीको आक्रमणबाट पर्साको ठोरीमा एक जनाको ज्यान गएको छ । ठोरी गाउपालिका ३ बुद्धनगर स्थित स्थानिय रामबुद्ध सामुदायिक वन भित्र पर्ने चिसापानी भन्ने स्थानमा हात्तीको आक्रमणबाट मृत्यु भएको अवस्थामा ३०÷४० बर्षिय एक पुरुषको शव फेला परेको इलका प्रहरी कार्यालय ठोरीले जनाएको छ । आज विहान घास दाउरा लिन गएका स्थानिय वासिन्दाले मृतकको शव देखेपछि प्रहरीलाई खबर गरेका थिए । मृतकको सनाखत हुन सकेको छैन । मृतक वाहिरबाट ठोरी आसपासमा भिखमाग्न जाने व्यक्ति भएको हुन सक्ने आशंका प्रहरीले गरेको छ । शव पोष्टमार्टमको लागी नारायणी उपक्षेत्रीय अस्पतालमा पठाइएको इलाका प्रहरी कार्यलय ठोरीले जनाएको छ ।