नेपाल तेक्वान्दो संघ प्रदेश नम्बर २ को आयोजनामा वीरगंजमा प्रथम पटक प्रदेशस्तरीय जुनियर तेक्वाण्डो प्रतियोगिता हुने भएको छ । तेक्वान्दो संघले वीरगजमा पत्रकार सम्मेलनको आयोजनामा गरी आगामी असोज १२ गते बाट शूरु हुने सो प्रतियोगिताको सम्पूर्ण तयारी पुरा भएको जनाएको छ । नेपाल तेक्वान्दो संघका प्रदेश नम्बर २ का अध्यक्ष राजेशमान सिंहले वीरगंजको कबडहलमा हुने प्रतियोगितामा प्रदेश नम्बर २ का ८ वटा जिल्लाका १४ वर्ष मुनिका १२० जना प्रतियोगिहरुविच प्रतिस्पर्धा हुने बताए ।तेक्वान्दो प्रतियोगतामा महिला तर्फ ३०, ३३, ३६ र ४० केजी गरी ४ समुहमा ३० जनाविच प्रतिस्पर्धा हुने तथा पुरुष तर्फ २० केजी देखी ४५ केजी सम्मको १० वटा समुहमा ९० जना विच प्रतिस्पर्धा हुने संघका जिल्ला अध्यक्ष गणेशमान श्रेष्ठले बताएका छन्।