वीरगंज २१ मङ्सिर ।
संगठित अपराध तथा कर्तब्य ज्यान मुद्दाका फरार अभियुक्तलाई २ बर्ष पछि बारा प्रहरीले पक्राउ गरेको छ। । पक्राउ पर्नेमा बारा कलैया उपमहानगरपालिका १२ सितलपुर बस्ने बर्ष २५ को लड्डु भनिने राजकिशोर गिरी रहेको प्रहरीले जनाएको छे । अभियुक्त गिरीले २०७३ पुस १० गते बाराको साविक गाविस ८ सहजनाथ सामुदायिक वनमा भारत बिहार जिल्ला मोतिहारी पुर्वी चम्पारण ग्राम पञ्चायतका अरुण राम र, दिपक रामलाइ डोरीले हात खुट्टा बाँधी धारिलो हतियारले घाटी रेटी हत्यागरी फरार भएका थिए । गिरीलाई बारा प्रहरीले महागढीमाई नगरपालिका १ सिमरा तेगछिया टोलमा लुकीछिपी बसेको अवस्थामा पक्राउगरी बारा जिल्ला अदालतमा पेश गरेको जिल्ला प्रहरी कार्यालय बाराका प्रहरी नायब उपरीक्षक रञ्जित सिंह राठौरले बताउनुभयो ।