बीरगंज २३ माघ ।
वीरगंजमाको आदर्शनगर रंगशालामा जारी प्रदेश स्तरीय ‘प्रथम स्वर्गिय गिरिजाप्रसाद कोइराला गोल्ड कप प्रतियोगिता अन्तर्गत आज भएको दोश्रो सेमिफाईनल खेलमा धनुषालाई ट्राईब्रेकरमा १ का विरुद्ध ४ गोलले पराजित गर्दै बारा फाईनलमा प्रवेश गरेको छ ।निर्धारित ९० मिनेटको खेलमा दुवै टोलीले कुनै पनि गोल गर्न नसकेपछि खेल ट्राईब्रेकरमा पुगेको थियो । आजको प्रतियोगितामा म्यान अफ दि म्याच बाराका गोल किपर जय राम चौधरी घोषित भएका छन् । गिरिजाप्रसाद फाउन्डेसन वीरगंजले आयोजना गरेको प्रतियोगिताको फाईनल खेल शनिवार वारा र सप्तरी विच हुने कार्यक्रम रहेको जीपी कोइराला फुटबल प्रतियोगिता सञ्चालक समितिका अध्यक्ष मोहम्मद शहावुद्दिनले जानकारी दिनुभयो ।
प्रतियोगितामा प्रदेश २ का ८ जिल्लाको फुटवल टिमको सहभागीता रहेको थियो । प्रतियोगिताको उपाधि विजेतालाई १ लाख ५० हजार र उपविजेतालाई ७५ हजार रुपैयाँ नगद पुरस्कार तथा शिल्ड कप उपलब्ध गराईने आयोजक संस्थाका अध्यक्ष मोहम्मद शहावुद्दिनले बताउनु भयो ।