राम कुशवाहा
वीरगंज १२ चैत्र ।
शसस्त्र प्रहरी १३ नं गण पर्साबाट खटेको डिउटी टोलीले एक महिलालाई ३ किलो अफिम सहित नियन्त्रणमा लिएको छ । शसस्त्र प्रहरीको टोलीले नेपालबाट भारततर्फ गईरहेको एक महिलालाई वीरगंज महानगरपालिका वडा नं १७ भेडियाही आसपासबाट ६ ओटा पोकामा रहेको ५०० ग्रामका दरले ३ किलो अफिम सहित नियन्त्रणमा लिएको जानकारी शसस्त्र प्रहरीले जनाएको छ । पक्राउ पर्नेमा बारा जिल्ला जितपुर सिमरा उपमहानगरपालिका वडा नं ७ बस्ने सुरेश रामकी श्रीमती वर्ष ४० को रिना देवी रहेको शसस्त्र प्रहरीले जनाएको छ । अफिम सहित पक्राउ परेकी महिलालाई आवश्यक कार्यवाहीका लागी जिल्ला प्रहरी कार्यालय पर्सामा पठाइएको शसस्त्र प्रहरीले जनाएको छ ।