रौतहट, १५ असार ।  गौर-चपुर सडकखण्ड अन्तर्गत गरुडा नगरपालिका १ जयनगरमा आज बिहान ना ७ ख ८४१४ नम्बरको बस दुर्घटनामा परेको छ। उक्त दुर्घटनामा १८ वर्षीय नेहा कुमारी गिरीको मृत्यु भएको छ भने सात जना घाइते भएका छन्।

प्रहरीले जनाएअनुसार, घाइतेहरूमध्ये एक जनाको अवस्था गम्भीर रहेको छ। सबै घाइतेहरूको स्थानीय अस्पतालमा उपचार भइरहेको छ।

बस दुर्घटना हुनुको कारण अहिलेसम्म स्पष्ट भएको छैन। दुर्घटनाको कारण पत्ता लगाउन अनुसन्धान जारी रहेको छ।