बिरगंज १ असोज  ।

पर्सा जिल्लाको वीरगञ्ज महानगरपालिका वडा नं. ८ पानीटंकी टोलस्थित जमुना सेकुवा पसलमा लागुऔषध खरिद बिक्री भइरहेको विशेष सूचनाको आधारमा पर्सा प्रहरीले छापा मारेर एक व्यक्तिलाई पक्राउ गरेको छ। पर्सा प्रहरी तथा मातहतको बसपार्क प्रहरी चौकीको संयुक्त टोलीले छापा मार्दा भारतको बिहार, मोतीहारी जिल्ला निवासी २३ वर्षीय विकास कुमार पटेललाई नियन्त्रणमा लिएको हो।

प्रहरीको अनुसार पटेलको पाइन्टको खल्तीमा प्लास्टिकमा राखिएको ५४ ग्राम ब्राउन सुगर जस्तो देखिने पदार्थ फेला परेको छ, जसमा प्लास्टिकको तौल बाहिर राख्दा कुल ४८ ग्राम लागुऔषध थियो। पक्राउ परेका पटेललाई थप अनुसन्धानका लागि जिल्ला प्रहरी कार्यालय पर्सामा राखिएको छ।

प्रहरी प्रवक्ता तथा सूचना अधिकारी दीपक भारतीले यस विषयमा थप अनुसन्धान जारी रहेको जानकारी दिएका छन्।