बारा १५ फागुन ।
बारामा प्रहरीले भन्सार नतिरी अवैध रूपमा चलाइएका २८ वटा भारतीय नम्बर प्लेट भएका मोटरसाइकल बरामद गरेको छ।
जिल्ला प्रहरी कार्यालय बारा मातहतको प्रहरी गस्ती टोलीले विभिन्न स्थानमा चेकजाँच गर्दा भन्सार नतिरी ल्याइएका, आवश्यक कागजात नभएका तथा कानुनविपरीत सञ्चालन भएका करिब २५ लाख रुपैयाँ बराबरका भारतीय मोटरसाइकल नियन्त्रणमा लिएको हो।
बरामद सबै मोटरसाइकल आवश्यक कारबाहीका लागि वीरगञ्ज भन्सार कार्यालय, पर्सामा बुझाइएको जिल्ला प्रहरी कार्यालय बाराका प्रहरी उपरीक्षक सन्तोष तामाङले जानकारी दिनुभयो ।