बारा, बैशाख १६ – विशेष सूचनाका आधारमा ईलाका प्रहरी कार्यालय अमलेखगंजबाट खटिएको प्रहरी टोलीले प्रतिबन्धित लागुऔषध Tramadol Hydrochloride Capsules सहित दुई जनालाई पक्राउ गरेको छ।
प्रहरी नायब निरीक्षक टेक बहादुर कार्कीको कमाण्डमा खटिएको टोलीले अमलेखगंजस्थित प्रहरी कार्यालय अगाडि चेक प्वाइन्टमा वीरगंजबाट हेटौंडातर्फ जाँदै गरेको BR05BA4817 नम्बरको भारतीय कार जाँच गर्दा, पछाडिको सिटमुनी फल्स बटम बनाई लुकाइएका २९६५ पत्ता Tramadol Capsules (कुल २९,६५० ट्याबलेट) बरामद गरेको हो।
पक्राउ पर्नेमा भारत, मोतिहारी अरेराज मलाही-११ का २३ वर्षीय चालक नितिश कुमार ठाकुर र पर्सा, वीरगंज महानगरपालिका–१६ निवासी २६ वर्षीय सिद्वान्त प्रसाद पटेल रहेका छन्।
प्रहरीले उक्त कारसहित दुवै जनालाई नियन्त्रणमा लिई थप कानूनी प्रक्रिया अघि बढाएको जानकारी जिल्ला प्रहरी कार्यालय बाराले जनाएको छ ।

प्रतिक्रिया

सम्बन्धित खवर

ताजा समाचार

लोकप्रिय