पर्सा, २४ असार ।
जिल्ला प्रहरी कार्यालय पर्साबाट खटिएको टोलीले बाराको सिमानाबाट तस्करी गरी ल्याइएको सुटिङ सटिङ कपडा १५ पोका र काजु २७ टिनासहित एक ट्रक नियन्त्रणमा लिएको छ।
प्रहरीका अनुसार प्रदेश २–०३–००१ ख ५६०९ नम्बरको इटा बोकेको मालवाहक ट्रक वीरगञ्जको गण्डक चौक हुँदै नारायणगढतर्फ गइरहेको थियो। उक्त ट्रकमा लुकाईछिपाई राखिएको तस्करीको सामग्रीसहित ट्रक चालक र अन्य दुई जनालाई नियन्त्रणमा लिइएको हो।
प्रहरी स्रोतका अनुसार ट्रकमा इट्टाको आवरणमा लुकाइएका कपडा र काजु बाराको सिमानाबाट भित्र्याइएको र वीरगञ्जको गण्डक हुँदै नारायणगढतर्फ लैजाने तयारीमा रहेको अवस्थामा फेला पारिएको हो।
पक्राउ परेका तीनै जनासँग हाल थप अनुसन्धान भइरहेको जिल्ला प्रहरी कार्यालय पर्साले जानकारी दिएको छ। बरामद सामान तथा ट्रक नियन्त्रणमा लिएर आवश्यक कानुनी प्रक्रिया अघि बढाइएको प्रहरीले जनाएको छ।

प्रतिक्रिया

सम्बन्धित खवर

ताजा समाचार

लोकप्रिय