बिरगंज १७ पर्सा ।
पर्सा जिल्लाको पटेर्वा सुगौली गाउँपालिका वडा नं. ४ स्थित करबोला चोकमा प्रहरीले ठूलो परिणाममा लागु औषध गाँजासहित एक युवकलाई पक्राउ गरेको छ।
प्रहरीका अनुसार आज बिहान करिब ७:१० बजे इलाका प्रहरी कार्यालय पटेर्वासुगौलीबाट खटिएको नियमित चेकजाँच टोलीले बलुवा–देउरवाना सडकखण्डमा भारतीय नम्बर प्लेट BR05AG 6805 रहेको मोटरसाइकल रोकेर चेकजाँच गर्दा सिटमुनी र शारीरिक रूपमा बाँधिएको अवस्थामा ८ किलो ४४० ग्राम गाँजा बरामद गरिएको हो।
गाँजासहित पक्राउ पर्ने व्यक्ति पर्सा जिल्लाको पर्सागढी नगरपालिका–९, एकटांगा निवासी ३४ वर्षीय जगमोहन यादव रहेको प्रहरीले जनाएको छ।
प्रहरीले लागु औषध गाँजा र प्रयोग गरिएको मोटरसाइकलसहित यादवलाई नियन्त्रणमा लिई थप अनुसन्धान कार्य अघि बढाएको जनाएको छ।
जिल्ला प्रहरी कार्यालय पर्साका अनुसार यादवविरुद्ध लागु औषधसम्बन्धी कसूरमा मुद्दा दर्ता गरिएको छ।
प्रतिक्रिया
सम्बन्धित खवर
