काठमाडौं । प्रधानमन्त्री पुष्पकमल दाहाल ‘प्रचण्ड’ले प्राकृतिक हिसाबले नेपाल संसारभरका मानिसलाई योगाभ्यासका निम्ति सुन्दर भूमि भएको बताएका छन् ।
अन्तर्राष्ट्रिय योग दिवसका अवसरमा शुक्रबार काठमाडौंमा आयोजित कार्यक्रममा उनले योगसम्बन्धी ज्ञानविज्ञानको अध्ययन गरिरहेका विश्वभरकै अध्येतालाई नेपाल मूल गन्तव्य बन्न सक्ने विश्वास व्यक्त गरे ।
योग शारीरिक अभ्यास मात्र नभई निश्चित नियम, विधि र प्रक्रियामा रही अपनाउने वैज्ञानिक जीवनशैली एवं जीवनपद्धति भएको उनले उल्लेख गरे । स्वस्थकर जीवनयापनका निम्ति व्यक्तिलाई शारीरिक, मानसिक र आध्यात्मिक रूपमा सबल बनाउन योगले सहयोग पुर्याउने उनले बताएका प्रधानमन्त्रीको निजी सचिवालयले जनाएको छ ।
“शरीरलाई स्वस्थ र फुर्तिलो बनाउने तथा मनलाई स्वच्छ र शान्त बनाउने सर्वोत्तम उपाय योग हो,” प्रधानमन्त्रीले भने, “नियमित योगाभ्यासबाट व्यक्तिको स्वास्थ्य अवस्था सुदृढ हुनुका साथै व्यक्ति तनावमुक्त भई कार्यक्षमताका साथै रोग प्रतिरोधात्मक क्षमतामा वृद्धि, व्यक्तिमा सकारात्मक सोचको विकास, व्यक्तिमा अनुशासन र आन्तरिक ऊर्जा प्राप्त हुनेजस्ता गुणको विकास हुन्छ ।”
काठमाडौं । प्रधानमन्त्री पुष्पकमल दाहाल ‘प्रचण्ड’ले प्राकृतिक हिसाबले नेपाल संसारभरका मानिसलाई योगाभ्यासका निम्ति सुन्दर भूमि भएको बताएका छन् ।
अन्तर्राष्ट्रिय योग दिवसका अवसरमा शुक्रबार काठमाडौंमा आयोजित कार्यक्रममा उनले योगसम्बन्धी ज्ञानविज्ञानको अध्ययन गरिरहेका विश्वभरकै अध्येतालाई नेपाल मूल गन्तव्य बन्न सक्ने विश्वास व्यक्त गरे ।
योग शारीरिक अभ्यास मात्र नभई निश्चित नियम, विधि र प्रक्रियामा रही अपनाउने वैज्ञानिक जीवनशैली एवं जीवनपद्धति भएको उनले उल्लेख गरे । स्वस्थकर जीवनयापनका निम्ति व्यक्तिलाई शारीरिक, मानसिक र आध्यात्मिक रूपमा सबल बनाउन योगले सहयोग पुर्याउने उनले बताएका प्रधानमन्त्रीको निजी सचिवालयले जनाएको छ ।
“शरीरलाई स्वस्थ र फुर्तिलो बनाउने तथा मनलाई स्वच्छ र शान्त बनाउने सर्वोत्तम उपाय योग हो,” प्रधानमन्त्रीले भने, “नियमित योगाभ्यासबाट व्यक्तिको स्वास्थ्य अवस्था सुदृढ हुनुका साथै व्यक्ति तनावमुक्त भई कार्यक्षमताका साथै रोग प्रतिरोधात्मक क्षमतामा वृद्धि, व्यक्तिमा सकारात्मक सोचको विकास, व्यक्तिमा अनुशासन र आन्तरिक ऊर्जा प्राप्त हुनेजस्ता गुणको विकास हुन्छ ।”
तनावमुक्त शान्त मन र रोगमुक्त स्वस्थ शरीर विकासमा योगको महत्त्वपूर्ण भूमिका रहने उनले बताए । उनले योग र ध्यानका अभ्यासबाट नसर्ने रोगहरूको रोकथाम, उपचार र पुनःस्थापनाका निम्ति महत्त्वपूर्ण योगदान पुग्ने विचार व्यक्त गरे ।
“नेपाल योग पर्यटनका निम्ति अत्यन्त सम्भावनायुक्त देश हो,” प्रधानमन्त्री प्रचण्डले भने, “तसर्थ, हामीले योगको विश्वव्यापीकरणमा जोड दिनुपर्दछ । यस दिशामा योजनाबद्ध पहल लिन योगका अभियन्ताहरू र योग गुरूहरूमा म हार्दिक अपिल गर्दछु ।”
उनले योग नेपालको आमजीवनपद्धति एवं अमूल्य निधि भएको बताए । प्रस्तावित योगमाया आयुर्वेद विश्वविद्यालय भविष्यमा विश्वस्तरीय विश्वविद्यालयका रूपमा स्थापित हुने उनले विश्वास व्यक्त गरे । रासस
प्रतिक्रिया
सम्बन्धित खवर
