बिरगंज १५ फागुन ।
वीरगञ्जमा सापटी रकम फिर्ता नदिने विषयमा भएको विवादले एक युवाको ज्यान गएको छ। प्रहरीले उक्त घटनामा संलग्न तीन जनालाई पक्राउ गरेको छ।

पक्राउ पर्नेमा बिरगंज –२७, उदयपुर घुर्मी बस्ने मुकेश कुमार यादव, सोही स्थान बस्ने अरुण कुमार यादव र मुना तिवारी रहेको प्रहरीले पत्रकार सम्मेलन गरि सार्बजनिक गरेको छ ।

घटनाको विवरण
२०८१ फागुन ७ गते साँझ ६:१० बजे वीरगञ्ज महानगरपालिका–२८, जगरनाथपुर ढाट नजिक भेडैया खोलामा १९ वर्षीय इशाल प्रसाद कुर्मीको हत्या भएको थियो। कुर्मी वीरगञ्ज–२७, उदयपुर घुर्मी निवासी जोगिन्द्र प्रसाद कुर्मीका छोरा हुन्।

परिवारले छोराको खोजी गरिदिन प्रहरीमा निवेदन दिएपछि अनुसन्धान भइरहेको थियो। फागुन ११ गते कुर्मीको शव खोलामा तैरिरहेको अवस्थामा फेला परेपछि घटनाबारे थप अनुसन्धान अघि बढाइएको थियो।

प्रहरीका अनुसार, फागुन ७ गते बिहान ११:३० बजे कुर्मी छिमेकी साथीहरूसँग तास खेल्न गएका थिए। त्यही क्रममा सापटी रकम फिर्ता नगर्ने विषयमा विवाद हुँदा मुकेश प्रसाद यादव, अरुण कुमार यादव र मुना तिवारीले मिलेर कुर्मीको हत्या गरी शव खोलामा फालेको खुल्न आएको छ।

तीनै जनालाई फागुन ११ गते पक्राउ गरी ज्यान सम्बन्धी कसूरमा म्याद थप अनुमति लिएर अनुसन्धान अघि बढाइएको जिल्ला प्रहरी कार्यालय पर्साले जनाएको छ ।